Түрксіб ауданында қоғамдық көлік мәселесі қалай шешіліп жатыр?

Түрксіб ауданы тұрғындарымен кездесуде Алматы әкімі Бақытжан Сағынтаев қоғамдық көлік мәселесінің қалай шешіліп жатқанына айтты.

Әкімнің айтуынша, ауданда 38 бағыт бойынша 564 автобус қатынайды. Бүгінде олардың 80%-і, соның ішінде биыл №18, №32, №41, №92 бағыттағы автобустар жаңартылды. Бұған дейінгі кездесуде тұрғындар қоғамдық көліктердің бағытын өзгертуді сұраған еді. Соған сәйкес, №13 бағыттағы автобустың соңғы аялдамасы №24 емханаға дейін ұзартылды. №51 бағыттың автобусы Захаров көшесі арқылы қатынайтын болды және №41 бағыттағы автобус №44 мектепке баратын болды. №36, 41, 74, 86 бағыттарының қатынау интервалы қысқарды.

Қоғамдық көліктің бағыттары "адамдар қайда көп барады" деген принципке бейімделді. Ал сіздердің тілектеріңіз бойынша қала бойынша бағыттарды қайта қарастырамыз, - деді Бақытжан Сағынтаев.