Спорт

"Қазақ Мессиі" үшін миллион. Боранбаев "Уфаның" жаттығу жиынына барды

Мұның алдында "Қайрат" Сейдахметті сатып алатынын айтылған

Авторларды қолдау орталығы

mediabugin@gmail.com
 

"Қайрат" клубы бақылау кеңесінің төрағасы Қайрат Боранбаев қазақстандық сұрмерген Еркебұлан Сейдахмет өнер көрсететін "УФА" клубының Кипрдегі оқу-жаттығу жиынына барды.

Боранбаев пен "УФА" бас директоры Шамиль Газизов кездесуінің видеосы ресейлік клубтың баспасөз қызметінің директоры Сергей Тыртышный Instagram желісіндегі парақшасында жариялады.
"Жиындар соңында бізге Қазақстаннан өкілетті адамы келді", - деп жазды Тыртышный видео сипаттамасында "Все тайное становится явным" деген хештегті қосып.
Былтыр қазанда "Қайрат" Сейдахметке қызығушылық танытып отырғанын және ол үшін бір миллион еуро төлеуге дайын екендерін жеткізген. 4 ақпанда 19-ға толған сұрмерген "УФА" сапында 2018 жылдың басынан өнер көрсетіп келеді. 
Жарақатына байланысты Сейдахмет Ресей премьер-лигасында небәрі үш ойынға қатысты. 2018 жылы ол Қазақстан құрамасы үшін де өнер көрсетіп, алты ойында екі гол салды. 
Қарашада Сейдахмет тағы да жарақат алды. "УФА" командасының бірінші жиыны кеше аяқталды, 24 қаңтарда, ал екіншісі 27 қаңтардан 8 ақпанға дейін жалғасады.