Deloitte аудиторлық компаниясы өздерінің сайтында 2017/2018 маусымындағы ең табысты Еуропалық клубтар тізімін жариялады.
Рейтинг басында мадридтік "Реал" - 750,9 миллион еуро. Екінші орында каталондық "Барселона" 690,4 миллион еуро табыс тапқан, ал үшінші - англиялық "Манчестер Юнайтед" (666 миллион).
Тізімде ары қарай "Бавария" (629,2 миллион еуро), "Манчестер Сити" (568,4), ПСЖ (541,7), "Ливерпуль" (513,7), "Челси" (505,7), "Арсенал" (439,2), "Тоттенхэм" (428,3), "Ювентус" (394,9) және дортмундтық "Боруссия" (317,2).
Ал ресейлік клубтар арасында ең табысты петерборлық "Зенит" болды, жалпы тізімде клуб 25-ші орында орналасқан. Есеп мәліметтері бойынша, клубтың былтырғы табысы 167,8 миллион еуро.
Былтыр Deloitte компаниясы жасған тізімде "Манчестер Юнайтед" бірінші тұрған еді. Ал "Барселона" биылғыдай екінші және үшінші орында "Реал" болды. "Зенит" 196,5 миллион табыспен 17 орында болатын.
