Димаш қатысатын соңғы байқау

Қазақстандық танымал әнші Димаш Құдайберген интернет желісіндегі Instagram парақшасында CBS арнасындағы америкалық The World's Best ("Әлемнің үздіктері") шоуы жайлы айтты.

"Барлығын басынан бастау. Бірақ ол қажет пе? Қажет. Жеңіліске дайын болмаған адам - жеңіске дайын емес деген сөз. Уақыты келген болуы керек. 3 ақпан. Америка. CBS арнасындағы жаңа шоу. Бұл мен қатысатын соңғы байқау", - деп жазды әнші Instagram парақшасында.

Мұның алдында Димаш Құдайбергеннің The World's Best шоуында қандай ән айтқаны белгілі болған еді. Ол  Қытайда I'm A Singer шоуында айтқан S.O.S d'un terrien en détresse композициясын орындаған.