Халықтың асыл мүддесі

Сөйлей-сөйлей келер болса шешендік ,

Көре-көре келер деген көсемдік.

Бұл қағида туындаған болмыстан

Дәлелдеген жүгін өзі көтеріп.

Талмай өтіп талқысынан өмірдің ,

Келер шыңнан қыран болып көрінгің.

Бұл қасиет адамзаттың саналы

Меңзер көсем абзалдыққа сезімін.

Оңай емес тауып лайық уақытты,

Іске асыру сол меңзеу мен бағытты.

Нәтижеге жету қиын қоғамдық ,

Жеткен адам ардақты да бақытты.

Жеткізуге шыңға шырқар қуатын

Түрткі керек қатайтатын қанатын.

Адамдағы , міне , осы қос қанат –

Ақылы мен еңбегі тең тұратын.

Егер бойға қасиетті жетелі

Еге білсең адамдығың өседі.

Абыроймен самғататын алысқа

Қос қанатың-ақыл , еңбек екеуі.

Әрқашанда етек-жеңі кең құлаш

Зерделі еді бұл қазағым, ол рас.

Тіршіліктің танып қатал талабын ,

Болған дәйім табиғатпен тамырлас.

Сен халқыңның сақтап асыл мүддесін ,

Жат пиғылдан оны қорғай білгейсің.

Танытумен адалдықты айнымас

Белді бекем буып ылғи жүргейсің.