Илон Маск тарихтағы ең бай адам атанды

Tesla және SpaceX бас директоры Илон Маск дүниедегі ең бай адам атанды. Оның байлығы 270 миллиард доллардан асты. Бұл туралы Bugin.kz платформасы хабарлайды.
Америкалық электромобиль өндіруші Tesla акцияларының құнының күрт өсуінің арқасында Масктың байлығы бір күнде 41 миллиард доллардан астамға өсіп, 272,3 миллиард долларға жетті.
Айта кетейік, Tesla акцияларының бағасы 13 пайызға дерлік өсті, соның нәтижесінде автоөндірушінің нарықтық капитализациясы алғаш рет 1 триллион доллардан асты. Нәтижесінде Маск 36,2 миллиард долларға байыды, бұл Bloomberg Billionaire Index тарихындағы ең үлкен бір күндік табыс.

Өз кезегінде Bloomberg агенттігі Масктың байлығын 288,6 миллиард долларға бағалап отыр. Оның байлығы қазірдің өзінде Toyota-ның 282 миллиард долларлық нарықтық құнынан асып түсті. Ол сонымен қатар Tesla-ның General Motors (83,9 миллиард доллар) және Ford (62,8 миллиард доллар) сияқты бәсекелестерінен айтарлықтай қымбат.

Бұл Маскқа 194,1 миллиард доллар капиталымен рейтингте екінші орын алған Amazon негізін қалаушы Джефф Безосты басып озуға мүмкіндік берді, ал LVMH француз компаниялар тобының бас директоры Бернар Арно алғашқы үштікті (187,5 миллиард доллар) жапты.