Саясат

Тұрмысы төмен отбасы үшін балабақша тегін болады

Алматы әкімінің мәлімдемесі

Авторларды қолдау орталығы

mediabugin@gmail.com

Алматыда тұрмысы төмен отбасылар үшін екінші баласынан бастап балабақша тегін болады. Бұл туралы Алматы әкімі Бауыржан Байбек тұрғындар алдындағы жыл сайынғы есепті кездесу кезінде мәлімдеді.

"Өздеріңіз білесіздер, ата-аналар бала бақшадағы балдырғанның тамағы үшін 18 мың теңге ғана төлейді, қалған 27 мың теңгені мемлекет субсидиялауда. Тек өткен жылы мемлекеттік тапсырыс бойынша бала бақшадағы 51 мың орынға 16 миллиард теңге бөлінді. Биыл бұл сома 1,8 миллиардқа өсті. Егер көпбалалы тұрмысы төмен отбасының екі және одан да көп баласы бала бақшаға баратын болса, онда отбасылық бюджет жүктемесі де жоғары болады. Сондықтан "Бақытты отбасы" бағдарламасы аясында тұрмысы төмен отбасылардың екінші баласынан бастап бала бақша тегін болады", - деді Бауыржан Байбек. 

Айта кетейік, қазіргі кезде тұрмысы төмен отбасылардағы 14 мыңнан аса балаға мектептерде ыстық тағам беріледі, 3475 бала мектеп формасымен қамтылған, 2333 балаға қаржылай көмек көрсетіледі, 1050 балаға жазғы лагерьлерге жолдама беріледі.

kaz.tengrinews.kz