Путин қара белдігінен айырылды

РФ президенті Владимир Путин 2013 жылы тхэквондодан алған қара белдігінен айырылды. Бұл жайлы Халықаралық тхэквондо федерациясы хабарлады.

Спорт ұйымы мұны Украинада болып жатқан әскери іс-қимылдарға деген қарсылығын білдіру мақсатында істеген.

"Әлемдік тхэквондо спортшылары Украинаны жақтап отыр. Соғыс тез арада аяқталып, бейбітшілік орнайды деген сенімдеміз", - делінген федерация таратқан ақпаратта.

Одан бөлек, тхэквондо федерациясы Ресей мен Беларусьте жарыс өткізбейтінін жеткізді.