АҚШ-та 11 қыркүйектегі шабуыл алдында террористер түсірілген видео жарияланды (видео)

Америкалық CBS News телеарнасы алғаш рет 2001 жылы 11 қыркүйекте Нью-Йорктегі қос мұнаралар мен Вашингтондағы Пентагон ғимаратына шабуыл ұйымдастырған лаңкестер түсірілген видеоны жариялады, деп хабарлайды Bugin.kz порталы RG арнасына сілтеме жасап.

Бейне фильм Британдық соттың тиісті шешімінен кейін 11 қыркүйектегі террорлық шабуыл құрбандарының отбасыларына қол жетімді болды. 20 сағаттан астам бейне және аудио жазбалардан басқа, жұртшылық 14 мыңнан астам құжат парағына қол жеткізді.

Бейнежазба Англияда Сауд Арабиясының азаматы Омар әл-Баюмиден шабуылдан екі апта өткен соң алынды. Фильмде 2000 жылдың ақпанында Сан-Диегодағы пәтерде болған Наваф Әл-Хазми мен Халид Әл-Мидхар көрсетіледі.  Дәл осы адамдар Нью-Йоркте, Пентагонда және Пенсильванияда ұшақтарды басып алуды және шабуылдарды ұйымдастырды, нәтижесінде үш мыңға жуық американдық қайтыс болды.

Әл-Баюми шабуылдарды ұйымдастыруға көмектесті деген күдікке ілінді, бірақ кейін босатылды. CBS News онымен Сауд Арабиясының елшілігі арқылы байланысуға тырысты, бірақ тек «11 қыркүйектегі шабуылдарға Сауд Арабиясының қатысы бар деген кез келген мәлімдеме мүлдем жалған» деген жауап алды. Телеарна сонымен қатар жаңа дәлелдердің түсуіне байланысты әл-Баюмиге қарсы тергеуді қайта бастау мүмкіндігіне қатысты ФБР-ге сұрау жіберді. Ведомство түсініктеме беруден бас тартты.