Қазақстанның бас прокуроры тағайындалды

Ғизат Нұрдәулетов бас прокурор болып тағайындалды, - деп хабарлайды Bugin.kz тәуелсіз авторлар платформасы Ақордаға сілтеме жасап. 

"Ғизат Дәуренбекұлы Нұрдәулетов Қазақстан Республикасының Бас Прокуроры болып тағайындалсын", - делінген Ақорданың хабарламасында. Қайрат Пернешұлы Қожамжаровтың басқа жұмысқа ауысуына байланысты Қазақстан Республикасының Бас прокуроры қызметінен босатылғаны айтылады. Нұрдәулетов осыған дейін бас прокурордың бірінші орынбасары қызметінде болған еді. Ғизат Нұрдәулетов 1964 жылы 11 маусымда Алматы облысында дүниеге келген.