Bugin
"Мета" компаниясының басшысы Марк Цукерберг X (бұған дейін Twitter) әлеуметтік желісінің иегері Илон Маскпен айқасуға дайын екенін мәлімдеді. "Арменпресс" мәліметінше, жекпе-жекті 26 тамызда өткізуді ұсынған.
"Мен бүгін де дайынмын. Оған 26 тамызда өткізуді ұсындым, алайда ол әлі нақтыламады", - деп жазды Цукерберг Threads әлеуметтік желісінде. Ол айқастың өзі ұсынған күні өтетініне күмәнданады.
Цукерберг Масктың айқасқа жаттығып жатқаны туралы жазбасын да атап өтті. Маск 6 тамызда Цукербергпен жекпе-жегі X тікелей эфирінде көрсетілетінін, одан түскен қаражат ардагерлерге арналған қайырымдылыққа жұмсалатынын жазған.
Цукербергтің X әлеуметтік желісімен бәсекелесетін Threads платформасын ашуы екі миллиардердің арасында келіспеушілік тудырған.
Соңғы уақытта Маск пен Цукербергтің аралас жекпе-жек бойынша айқасы кеңінен талқыланып келеді. Абсолютті сайыскер чемпионатының президенті Дэйна Уайт айқас өтеді деп есептейді және ол ең көп қаралым жинамақ.
Мәулен Жексенбі
Қосымшаны жүктеп алыңыз
