Қаза тапқан шахтерлердің аты-жөні белгілі болды

"Арселор Миттал Теміртау" компаниясы қаза тапқан кеншілердің аты-жөнін жариялады.

Бұған дейін хабарланғандай, 222 адам жер бетіне шығарылды, үш адамның мәйіті табылды.

"Үлкен өкінішпен, қайғымен мезгілсіз кеткен әріптестеріміз туралы хабар береміз:

1. Стешин Денис Геннадьевич, 1978 ж.т., 4 разрядты жерасты үңгушісі, еңбек өтілі 21 жыл;

2. Бургун Виктор Сергеевич, 1966 ж.т., 5 разрядты жерасты электр шебері, еңбек өтілі 39 жыл;

3. Слюньков Виталий Владимирович, 1965 ж.т., жерасты электр шебері, еңбек өтілі 39 жыл;

Екі шахтерды іздестіру жұмыстары жалғасуда. Қазіргі сәтте тау қазбасында іздеу бойынша қосымша жоспар жасалып жатыр", - деп жазылған хабарламада.

Еске салайық, бұған дейін шахтада өрт болып, екі адам іздестіріліп жатқанын хабарлаған едік.