Тәжікстан Президенті Эмомали Рахмон Астанаға келді

Тәжікстан Президенті Эмомали Рахмон жұмыс сапарымен Астанаға келді, деп хабарлайды Bugin.kz порталы Ақорданың әлеуметтік желідегі ресми парақшасына сілтеме жасап.

"Құрметті қонақты елорда әуежайында Мемлекет басшысы Қасым-Жомарт Тоқаев қарсы алды", - делінген хабарламада.

Сапар аясында президенттер екіжақты кездесулер өткізеді және Тәжікстанның Қазақстандағы мәдениет күндері аясында өтетін шараларға қатысады деп жоспарланып отыр.