Робот адам өлтірді

Оңтүстік Кореяда өнеркәсіптік робот зауыт қызметкерін көкөніс қорабы деп қателесіп өлтірді. Бұл туралы Bugin.kz тілшісі оңтүстіккореялық Yonhap агенттігіне сілтеме жасап хабарлайды.

Қайғылы оқиға 8 қарашада Кёнсаннамдо провинциясындағы бұрыш сұрыптау зауытында болған. Компания қызметкері роботтың сенсорларының жұмыс істеп тұрғанын тексерген. Роботтың қолы бұрыш қораптарын көтеріп, оларды паллеттерге қою керек.

Ведомствоның хабарлауынша, сенсор қызметкерді қорап ретінде қарастырған. Содан кейін робот ер адамды ұстап алып, оның үстіңгі денесін конвейер лентасына басып, беті мен кеудесін жаншып алған. 40 жастағы жәбірленуші тез арада ауруханаға жеткізілді, бірақ ер адам алған жарақатынан көз жұмды.

Зауытқа иелік ететін ауыл шаруашылығы экспорттық кешенінің өкілі компания роботты бес жылдан бері пайдаланып келе жатқанын айтты. Жұмыс күшінің тапшылығы кезінде робот шаруаларға үлкен көмек болған. Ол екі метр биіктікке дейін бұрыш қораптарын жинаумен шұғылданған.