Жаңа жыл мерекесінде жол апатынан қанша адам қаза тапқаны белгілі болды

Жаңа жыл мерекесінде жол апатынан 15 қазақстандық қайтыс болды, деп хабарлайды Bugin.kz порталы Kazinform сайтына сілтеме жасап.

ҚР Денсаулық сақтау министрлігі 2023 жылдың 30 желтоқсаны мен 2024 жылдың 2 қаңтары аралығында жол-көлік оқиғасынан қанша адам зардап шеккенін айтты.

30 желтоқсан - 2 қаңтар күндері 21 жол-көлік оқиғасы тіркелген және 125 адам зардап шеккен. Сонымен бірге, 10 ересек және 5 бала қаза тапқан.

Еліміздің 6 өңірінде жол апаты жиі байқалған. Қостанай, Қарағанды қалаларында жол апаты бойынша шақыртулар көп болған. 

Солтүстік Қазақстан облысында – 3 жол апаты тіркеліп, 7 адам зардап шеккен, 1 бала қаза тапқан. Шығыс Қазақстан облысында – 1 шақырту түскен, 8 адам зардап шеккен, 4 бала қайтыс болған. Павлодар облысында – 1 шақырту, зардап шеккен 3 адам тіркелген.