"Қыс болмайды" деген сөзі арқылы танылған адам өлі табылды

"Қыс болмайды" деген атақты сөздің арқасында желіде танылған  Арстанбек Абдылдаев (Арстан Алай) Қырғызстанның қылмыстық атқару қызметінің №31 колониясының камерасында қаңтардың 5-і күні өлі табылды,  деп хабарлайды Bugin.kz порталы tengrinews.kz сайтына сілтеме жасап.

Қырғыз БАҚ оның қайтыс болғанын адвокат Қайсын Абакировқа сілтеме жасап жариялады. Адвокат Арстанбек Әбділдаевтың айтуынша, оның қорғауындағы азамат қылмыстық іс жүргізу кодексінің нормаларын бұза отырып, қамауға алынған.

"Бұл оқиға  менің қорғауымдағы адамның  қауіпсіздігін қамтамасыз ету үшін тергеу изоляторының басшылығына бірнеше рет жазбаша өтініш жасағаныма қарамастан болды. Неліктен, кімнің нұсқауымен және №31 колонияға қашан ауыстырылғаны бізге беймәлім. Бір сөзбен айтқанда, құқық қорғау, тергеу, сот, түзеу органдарының заңсыз әрекеттері адам өліміне әкеп соқты.Біз Бас прокуратура басшылығынан барлық кінәлі шенеуніктерді жауапқа тартуды сұраймыз", - деп жазды 24.kg сайты Абакировтың сөзін.

Арстан Алай өткен жылдың желтоқсан айында ұсталған.  Оның үстінен Қырғызстан Қылмыстық кодексінің 330-бабы "Діни араздықты қоздыру" (алауыздық)бойынша қылмыстық іс қозғалды.

Қамауға алуға және қылмыстық іс қозғауға Алайдың әлеуметтік желілерде, кітаптар мен кітапшаларда "діни және дінаралық араздықты қоздыруға шақырғаны, діндарлығы негізінде азаматтардың жеке басын насихаттайтыны" туралы ақпарат негіз болған.

Кейін олар ұсталған адамды қамауда қалдыруды шешкені белгілі болды.

Әбділдаев 2011 жылдың аяғында Қырғызстан президенттігіне бұрынғы кандидат: "Қыс болмайды" деп жариялаған кезде кең танымал болды. Бұл сөз кейіннен интернетте тарады.

ТАҒЫ ОҚИ ОТЫРЫҢЫЗ:

"Қос билік, Қанды қаңтар, АЭС": Тоқаевтың сұхбатына шолу