"Крокус сити Холлдағы" апаттан қайтыс болғандар саны артты

Мәскеуде болған лаңкестік әрекет салдарынан тағы бір адам қайтыс болды, деп хабарлайды Bugin.kz порталы ТАСС-қа сілтеп.

22 наурыз күні қанды қырғында "Крокус Сити Холл" ғимаратында 6000-нан астам адам болған.

Зардап шеккен 92 адам ауруханаға жатқызылып, қазіргі таңда олардың 63-і үйіне оралған, - делінген басылымның мәліметінде.

Қазір зардап шеккен 205 адамға амбулаторлық көмек көрсетілген.

Қырғыннан қаза тапқандардың жалпы саны 140-қа жеткен.

"Өкінішке орай, ауыр халде болған азаматтың бірі қайтыс болды. Дәрігерлер оны аман алып қалу үшін қолдан келгеннің бәрін жасады", - деді Ресейдің денсаулық сақтау министрі Мурашко.