“135 адам зардап шекті”: Алматыда сәуір-мамыр айларында неден сақ болу керек?

Алматыда кенелер қаптай бастады. Наурыз айының басынан бері аталмыш зиянкестер шаққан 135 адам дәрігерлерге жүгінген. Оның тең жартысы балалар. Бұл туралы Bugin.kz тілшісі КТК арнасына сілтеме жасап хабарлайды.  
Ең жоғары белсенділік сәуір-мамыр айларында байқалады. Бірақ кенеге қарсы емдеу шаралары наурыз айынан бастап та жүргізіледі. Мамандар жақын күндері екі мың гектарға жуық аумақты алып жатқан тоғыз орман алқабында, жүз саябақ пен сквер аумағына дезинфекциялау жүргізеді.

 Эпидемиологтар табиғат аясына шықпас бұрын қалың матадан тігілген жабық киім киюді ұсынады. Ал кене шаққан жағдайда медициналық мекемеге жүгіну қажет. Негізгі белгілері: дене қызуы көтерілуі, қалтырау, летаргия, жүрек айну және ісіну.

Алматы санитария-эпидемиологияны бақылау департаментінің бас маманы Бибігүл Нұрғалиева:

"Кене энцефалитінен қорғанудың ең тиімді әдістерінің бірі – кене  энцефалитына қарсы вакцина. Екпе емханаларында тіркелу, тұрғылықты мекенжайы бойынша жүргізіледі. Кенеге қарсы екпе үш дозадан тұрады.Бірінші және екінші екпені қысқы айларда жүргізген дұрыс. Өйткені ағзада кене энцефалитіне қарсы имунитеттің қалыпсауы үшін. Бұл екі екпенің аралығы бір айдан үш айға дейін созылады",-деп айтты.