Bugin
Фото: Синьхуа
Қытай билігі Қытайдың оңтүстігіндегі Гуандун провинциясында нөсер жауын салдарынан болған су тасқынымен күресу шараларын күшейтіп жатыр. Бұл туралы Bugin.kz тілшісі Синьхуа агенттігіне сілтеме жасап хабарлайды.
Төтенше жағдайлар министрлігі 127 миллион адамның өмір қауіпсіздігін сақтауға байланысты жиын өткізген.
Су тасқыны мен құрғақшылыққа қарсы күрес жөніндегі мемлекеттік штаб жөнелтетін жұмыс топтары тұрғындарды тау тасқындары мен басқа да геологиялық апаттарға бейім аймақтардан эвакуациялап жатыр. Қайталама апаттардың алдын алу шаралары жүргізіліп жатыр.
Қытай билігі Гуандун провинциясын негізгі қажеттіліктермен қамтамасыз етті. Соңғы мәліметтер бойынша, толассыз жауған жаңбыр салдарынан 4 адам қаза тауып, тағы 10 адам із-түзсіз жоғалған.
Балерке ӘСІЛХАН
Қосымшаны жүктеп алыңыз
