ҚОҒАМ
Авторларды қолдау орталығы
mediabugin@gmail.comФото: ІІМ
Алаяқтар ішкі істер министрі Ержан Сәденовтің суретін пайдаланып, жалған брокерлер ұрлаған қаражатты қайтарамыз деген ақпарат таратқан, деп хабарлайды Bugin.kz порталы.
Алдын ала мәлімет бойынша, әлеуметтік желіде жалған брокерлер ұрлаған қаражатты қайтарамыз деп әрекет етіп жатыр. Киберқылмыскерлер бұрыннан қалыптасқан схеманы қолданады. Олар адамдарды сендіру үшін түрлі уәделер беріп, белгілі тұлғалардың суреттерін пайдаланады.
“Биржадан немесе брокерден ақша шығармақсыз. Ол үшін төлем сұрай ма? Бұл өтірік. Өзіңізді алдауға жол бермеңіз. Ақшаны қауіпсіз жолмен қайтару жөніндегі нұсқаулықты алыңыз", - делінген жарнаманың мәтінінде.
Алаяқтар хабарламаға ішкі істер министрі Ержан Сәденовтің суретін пайдаланған.
Қазақстан Республикасы Ішкі істер министрлігінің ресми порталында қаражатты қауіпсіз алу жөніндегі нұсқаулық жоқ.
“Бұл хабарландыруда алаяқтар адамдарды алдау үшін белгілі адамның беделін тағы да пайдаланған. Көрсетілген сілтеме бойынша өтпеңіз, ақшаңызды немесе жеке деректеріңізді жоғалтуыңыз мүмкін. Ақпаратты әрқашан ресми дереккөздерден тексеріп, желідегі бейтаныс адамдармен сөйлескенде абай болыңыз", - деп ескертеді фактчекерлер.