Татар актері қойылым кезінде қайтыс болды

Қазан жас көрермендер театрының актері Арсений Курченков «Бал. Бесси» қойылымын сахналау кезінде қайтыс болды, деп хабарлайды РИА Новости.

Арсений Курченков -  Қазан мемлекеттік жас көрермендер театрының жетекші әртісі, Татарстан Республикасының еңбек сіңірген әртісі, әндердің авторы және әншісі. 43 жасында қайтыс болды. 

Сахнада қойылым болып жатқан жерден көз жұмды. Актерлер көрерменнің ықыласы үшін қойылымды соңына дейін сомдап шығуға мәжбүр болды. Театрдың қойылымдары үш күнге дейін тоқтатылды. 

Актер 13 қазанда Дербышки ауылындағы ескі зиратқа жерленеді.