Weekend

Депутат ұсынысы: Елімізде тағы бір мереке пайда болуы мүмкін

Асқар Маминнің атына дептутаттық сауал жолдады

Авторларды қолдау орталығы

mediabugin@gmail.com

Сенат депутаты Сәрсенбай Еңсегенов 14 наурызды Көрісу күні мерекесі деп белгілеуді ұсынды. Бұл туралы Sputniknik.kz хабарлайды.

Сенаттың жалпы отырысында депутат Сәрсенбай Еңсегенов премьер-министр Асқар Маминнің атына депутаттық сауал жолдады. Сенатор 14 наурызды Көрісу күні мерекесі етіп белгілеуді ұсынды.

Оның айтуынша, көрісу еліміздің барлық аймағында болған, халқымызға кеңінен таралған. Бірақ түрлі себеппен дәстүр кей жерлерде ұмытыла бастады. Қазіргі мезгілде ол Қазақстанның басқа да облыстарына таралып, арнайы іс-шаралар ұйымдастырылып жүр. Бүгінде Көрісу жекелеген аймақтың немесе тек қазақ халқының мейрамы емес. Оның аумағы мен ауқымы өсіп, елдің қоғамдық өміріндегі рөлі артып келеді. Шын мәнінде ол азаматтарымыздың дәстүрлі түрде аталып өтетін мерекесіне айналғанын айтады.

Ол алыс-жақын шет мемлекеттерде жүрген қандастар да осы атаулы күнді мерекелеп, шетелге таныстырып жатқанын атап өтті.

"Адамды бауырмалдыққа, кісілікке, кішілікке, жасампаздыққа, жақсылыққа тәрбиелейтін, тамыры тереңге кеткен, халқымызға берері мол, рухани қуаты ерекше, дәстүрлі түрде аталып жүрген Көрісу күнін ресми түрде айналымға енгізу жөнінде пікірлер айтылуда", - деді депутат.

Сенатор "Қазақстан Республикасындағы мерекелер туралы" заңға сәйкес, елімізде ұлттық, мемлекеттік, кәсіби және өзге де мерекелер тойланатын еске салды. Заңның төртінші бабына сәйкес, кәсіби және өзге де мерекелік күндер тізбесін Қазақстан үкіметі белгілейді.

"Құрметті Асқар Ұзақбайұлы, халқымыздың салт-дәстүрін қолдау және оны дәріптеу мақсатында 14 наурызды Көрісу күні мерекесі деп белгілеу жөнінде ұсыныс енгіземін және тиісті мемлекеттік органдарға тапсырма беруіңізді өтінемін", - деді Еңсегенов.