Шымкентте 57 мәдени іс-шара онлайн өтеді

Шымкент қалалық мәдениет, тілдерді дамыту және  архивтер басқармасы 13-19 сәуір аралығында өтетін онлайн іс-шаралар тізімін жариялады.

Басқарма басшысы Рашид Мыңбаевтың мәлімдеуінше, Шымкентте апта бойына жалпы 57 мәдени кеш онлайн түрде өтеді. Осы орайда қалалық мәдениет, тілдерді дамыту және архивтер  басқармасының әртістері күн сайын тікелей эфирде өнер көрсетеді.

Онда түрлі спектакльдер мен тарихи қойылымдар және байқау, көрме сынды шараларды онлайн өткізу жоспарланған. Тіпті ақиық ақындардың айтысында қашықтан үйде отырып тамашалауға болады.

Шымкент қаласындағы мәдени орындар тек іс-шаралармен ғана шектелмей, семинар, секцияларды да қашықтан өткізуді жоспарлап отыр.

Шымкент қаласының төтенше жағдай жөніндегі штабы