Қоғам

Елімізде осы күнге дейін 1200 адам із-түзсіз жоғалып кеткен

Қазақстанда 1200 адам із-түзсіз жоғалып кеткен

Авторларды қолдау орталығы

mediabugin@gmail.com

Қазіргі таңда Қазақстанда із-түзсіз жоғалғандар саны 1200 адамға жетті. Оның 22-сі – бала. Бұл туралы ішкі істер министрлігі криминалдық полиция департаментінің басшысы Думан Таев мәлімдеді, деп хабарлайды Bugin.kz тәуелсіз авторлар платформасы Sputnik Қазақстан сайтына сілтеме жасап.

"Қазіргі таңда республикада із-түзсіз жоғалғандар саны – 1200 адам. Олардың 22-сі – бала. Ер адамдар жиі жоғалады. Бұл олардың қызметтік іссапарға шығуымен, маусымдық жұмыстар кезінде басқа өңірлерге баруымен байланысты", - деді Таев онлайн брифингте.

Ал, әйелдердің жоғалуына, оның айтуынша, негізінен, ішімдік себеп.

Кәмелетке толмаған балалардың хабар-ошарсыз кетуі отбасындағы ұрыс-керіс, ата-аналарының ішімдікке салынуы, әке-шешесімен бір үйде тұрғысы келмеу, үйден қашумен байланысты.

Таев бүгінде 80 адам табылып, туысқандарымен қауышатынын атап өтті.