Димаштың Zhalyn композициясы Сиэтлдегі танымал радиода шырқалды

Наурыз айында Димаш Құдайбергеннің Zhalyn композициясы алғаш рет Сиэтлдегі танымал Channel R Radio радиосында шырқалды. Бұл - американдық радиостанцияның эфирінде айтылатын қазақстандық орындаушының бесінші композициясы, деп хабарлайды Bugin.kz порталы dimashnews.com сайтына сілтеме жасап.

Сайт мәліметінше, Димаштың әнін қазақ тілінде американдық радиода көрсету оның шығармашылығының барлық жанкүйерлерінің арқасында мүмкін болған.

Сиэтлдегі R Channel радиостанциясы 2020 жылдың ақпанында құрылды. Эфирде радио тәулік бойы заманауи хиттер мен тыңдаушылардың ең сүйікті әндері ойнайды. Мұнда поп-музыкадан R&B, рок, рэп және электронды музыкаға дейінгі барлық жанрлардың ең жақсыларын тыңдауға болады.

Channel R жұмысының негізгі қағидасы – дыбыс жазу компаниясының пікірінше, тыңдаушылар ұнатуға тиіс әуендерді емес, оларға ұнайтын әуендерді тарату. Сондықтан радио әртүрлі музыканың жанкүйерлерінің қызығушылығын анықтау үшін апта сайын тыңдаушылар арасында дауыс беруді өткізеді.

Естеріңізге сала кетейік, өткен жылдың наурыз айында R Channel алғаш рет Димаш Құдайбергеннің Fly Away композициясын ChannelRSongOfTheWeek чартында апта сайынғы дауыс беруге үміткерлер тізіміне енгізген еді.

Апта қорытындысы бойынша Dears белсенді дауыс беруінің арқасында Fly Away 1-орынды иеленді.