Елбасы Ташкентке ұшып кетті

28 қараша Қазақстан Республикасының Тұңғыш Президенті - Елбасы Нұрсұлтан Назарбаев Ташкентке ұшып кетті. Бұл туралы Қазақстан Республикасы Тұңғыш Президентінің баспасөз хатшысы Айдос Үкібай өзінің Твиттерінде хабарлады. 

- Нұрсұлтан Назарбаев Өзбекстан Республикасының Президенті Шавкат Мирзиёевтің шақыруымен Орталық Азия мемлекеттері басшыларының екінші консультативтік кездесуіне қатысу үшін Ташкентке келді. Әуежайда Н.Назарбаевты Өзбекстанның Премьер-Министрі Абдулла Арипов қарсы алды, - деп жазды Үкібай.