Алматыда балалар тау шаңғысын тебуді тегін үйренеді

Алматы әкімінің баспасөз қызметінің мәліметінше, оқу-жаттығу 2-31 желтоқсан аралығында жүреді. Балалар бір айда білікті нұсқаушылардан төрт сабақ алады. Жаттығудың ұзақтығы – 60 минут. Бірінші ауысым 8:00-де басталса, екінші ауысым 14:00-де басталады. Ұйымдастырушылар балаларды тау курортына өздері апарады және шаңғы, таяқ, етік пен шлем сияқты жабдықтарды алып береді.

Жаттығуға былай тіркелуге болады:

1) almatysporty.kz сайты арқылы;

2) Бөгенбай батыр көшесі, 66, а-үй мекенжайы арқылы;

3) info@arnage.kz электрон поштасына хат жіберу арқылы;

4) +7 (707) 245 7255 WhatsApp нөмірі арқылы.

Қажет құжат тізімі:

Ата-ананың жеке куәлігінің көшірмесі және баланың туу туралы куәлігі (2 көшірме).

Баланың мектепте қай ауысымда оқитынын көрсету керек.

Тау шаңғысын тегін үйрету жаттығуына қатысты сауалдарды 8 (727) 291 3324; +7 (707) 245 7255 (WhatsApp); +7 (707) 343 9677; +7 (778) 352 6141 нөмірлеріне хабарласып, білуге болады.