Weekend
Бүгін Шымкент қаласындағы Қаратау ауданы Сайрам тұрғын алабы және Еңбекші ауданы Қарабастау, Абдулабад тұрғын алаптарындағы көше бойында орналасқан жарнамалардың «Қазақстан Республикасындағы тiл туралы» ҚР Заңының 21-бабына сәйкес дұрыс жазылуы бойынша түсіндірме жұмыстары жүргізілді
Түсіндіру жұмыстарына Шымкент қаласының мәдениет, тілдерді дамыту және архивтер басқармасы, қалалық сәулет, қала құрылысы және жер қатынастары басқармасы, Қаратау, Еңбекші аудандарының әкімдіктері және тіл жанашырлары қатысты. Рейдтік тексеру барысында кәсіпкерлік нысандардағы бланкiлер, маңдайшалар, хабарландырулар, жарнамалар, прейскуранттар, баға көрсеткiштерi, басқа да көрнекi ақпараттың жазылуында Тіл туралы заңның сақталмауы анықталып, түзету туралы ескерту берілді.
Айта кетейік «Қазақстан Республикасындағы тiл туралы» ҚР Заңының 21-бабына сәйкес кез-келген көрнекi ақпараттың мәтiндерi ең алдымен бірінші қатарда мемлекеттiк тiлде жазылады. Орыс тiлiнде, қажеттiгiне қарай қосымша басқа да тiлдерге аударылуы мүмкiн.
Аталған көрнекi ақпараттың барлық мәтiнi мемлекеттiк тiлде - сол жағына немесе жоғарғы жағына, орыс тiлiнде оң жағына немесе төменгi жағына орналасады, бiрдей өлшемдегi әрiптермен жазылады. Бұл жағдайда қарiп өлшемi нормативтiк құқықтық актiлерде белгiленген талаптардан аспауға тиiс.
Аталған заңнама талаптарын шаһардағы кәсіпкерлерге түсіндіру жұмыстарын жүргізу жалғаса береді.
Дәулетхан Ыдырыс
Қосымшаны жүктеп алыңыз
