Илон Маск адамзатты мүмкіндігінше көп бала тууға шақырды

SpaceX негізін қалаушы, Tesla компаниясының бас директоры және алты баланың әкесі Илон Маск туу деңгейінің төмендігі өркениетке қауіп төндіреді деп санайды. Бұл туралы Bugin.kz порталы хабарлайды. 

Ол туу көрсеткішінің төмендеуіне байланысты планета тұрғындарының біртіндеп азайып бара жатқанына алаңдаушылық білдірді. Маск адамзатқа планетада көбірек адамдар қажет деп санайды, сондықтан ол мүмкіндігінше көп бала тууға шақырады.

- "Менің ойымша, өркениетке төнетін ең үлкен тәуекелдердің бірі - бала туу деңгейінің төмендігі. Көптеген адамдар планетада халық саны тым көп және адам саны бақылаусыз өсуде деп ойлайды. Алайда, керісінше. Адамдар көп бала тумаса, өркениет құлап қалады. Менің сөздерімді есіңе түсір, - деді миллиардер Wall Street Journal іс-шарасында.

Айта кетейік, миллиардердің бірінші әйелі Джастин Уилсоннан бес ұлы және бұрынғы құрбысы Граймстан X Æ A-Xii есімді тағы бір ұлы бар.

Анықтама үшін, Lancet басылымында жарияланған зерттеуде 2064 жылы жер шарындағы халық ең жоғары шегі 9,7 миллиардқа жетеді деп күтілсе, 2100 жылға қарай ол 8,8 миллиардқа дейін азаяды делінген.