Bugin
Қазақстандық «Қара, қара адам» криминалдық фильмі Солтүстік Американың танымал MHz Networks стримингтік платформасында прокатқа шығады. Бұл туралы Bugin.kz порталы хабарлайды.
Режиссер Әділхан Ержанов түсірген фильм АҚШ пен Канадада үш бөлімнен тұратын шағын сериал ретінде көрсетіледі.
- «Біздің аудитория АҚШ пен Канадада тұсауы кесілетін Әділхан Ержановтың «Қара, қара адам» атты қазақстандық ноир сюжетіне қызығады және сериал көрермендердің көңілін қалдырмайтынына сенімді», - деді MHz контент стратегиясы бойынша вице-президент Лэнс Швлст.
«Қара, қара адам» істі тезірек жауып тастағысы келетін тергеуші Бекзаттың (Данияр Алшынов) оқиғасын баяндайды, себебі қылмыскер – зиянсыз Пукуарды (Теоман Хос) жергілікті полиция тауып үлгерген. Журналист Ариана (Динара Бақтыбаева) араша түскенде, іс тығырыққа тіреледі. Енді тергеуші өз тәжірибесінде алғаш рет барлық ережелерге сай шынайы тергеу жүргізуі керек.
Нұрила Жұмаділлә
Қосымшаны жүктеп алыңыз
