Киевке 64 шақырымға созылған қалың танк колоннасы келе жатыр

Киевтің түбіне Ресей Қарулы күштерінің әскери техникасы мен танкілерінен құралған қалың қол келе жатыр. Мұны УНІАН ақпарат агенттігі Maxar Technologies ғарыш компаниясына сілтеме жасап хабарлады.

Maxar-дың спутниктен түсірген суреттеріне қарағанда, қалың танк колоннасының ұзындығы – 64 шақырымға созылып жатыр. Арасында бронды техника, танк, артиллерия мен басқа транспорт құралдары бар.

Әскери конвой Киевтен 10 шақырым жерде жатқан Антонов әскери базасына қарай жол тартып барады.