Медведев Батыс елдеріне қатаң ескерту жасады

Ресей Қауіпсіздік Кеңесі төрағасының орынбасары Дмитрий Медведев Батыс елдеріне Украинаға қару жіберу Ресей мен НАТО арасындағы тікелей қақтығысқа әкеліп соқтыратынын, бұл толыққанды ядролық соғысқа ұласуы мүмкін екенін ескертті. Бұл туралы Ресейдің экс-президенті өзінің Telegram-арнасында жазды, деп хабарлайды Bugin.kz порталы.

- «НАТО елдерінің Украинаны қару-жарақпен қамтамасыз етуі, олардың әскерлерін батыстық техниканы пайдалануға үйретуі, жалдамалы әскерлерді жіберу және одақ елдерінің біздің шекараға жақын жерде оқу-жаттығулар өткізуі НАТО-ның Ресеймен тікелей және ашық қақтығысының ықтималдығын арттырады , - деді Медведев.

- «Мұндай қақтығыстың әрқашан толыққанды ядролық соғысқа айналу қаупі бар. Бұл барлығы үшін апатты сценарий болар еді», - деп қосты ол.

Медведев Батыс елдеріне «өздеріне де, өзгелерге де өтірік айтпауға» кеңес берді.

- «Сіз тек өз әрекетіңіздің ықтимал салдары туралы ойлануыңыз керек», - деп жазды Ресей Қауіпсіздік кеңесі төрағасының орынбасары.

Ресей президентінің баспасөз хатшысы Дмитрий Песков Медведевтің мәлімдемесіне түсініктеме бере отырып, барлығы Ресей мен НАТО арасындағы тікелей қақтығысты болдырмауды қалайтынын атап өтті.

- «Барлығы Ресей мен НАТО арасындағы тікелей қақтығысты болдырмауды қалайды. Бұл НАТО-да да бірнеше рет жасалды, менің ойымша, ең бастысы Вашингтонда», - деді Песков.

Сондай-ақ ол Украинадағы «арнайы әскери операцияға» кез келген тарап араласуға әрекеттенсе, Ресей барынша қатаң жауап беруге дайын екенін айтты.