Путин жаһандық дағдарысқа Батыс елдерін кінәлап отыр (видео)

Бұдан әрі Ресейге қарсы санкциялар жаһандық дағдарысты тудырып, әлемдегі ең кедей елдер мен Еуропалық Одақ елдері үшін шешілмейтін салдарға әкеледі. Бұл туралы бейсенбі күні экономикалық мәселелер жөніндегі кеңесте Ресей президенті Владимир Путин айтты, деп хабарлайды Bugin.kz порталы Euronews арнасына сілтеме жасап.

Ресейге қарсы бағытталған шектеу шараларының салдары үшін кінәні Путин батыс элитасына жүктеді.

- «Мен бұл үшін кінә толығымен Батыс елдерінің элитасында екенін атап өтемін, олар өздерінің жаһандық үстемдігін сақтап қалу үшін әлемнің қалған бөлігін құрбан етуге дайын», - деді ол.

Путиннің пікірінше, шектен шыққан саяси амбициялар мен орысфобияны басшылыққа алған санкция авторлары өздерінің ұлттық мүдделері мен азаматтарының әл-ауқатына зиян келтіруі ықтимал. Путиннің пікірінше, Ресей санкциялармен жақсы күресіп жатыр.

- «Биыл жақсы өнім күтілуде. Астық түсімі 130 миллион тоннаға жетуі мүмкін, оның ішінде бидай 87 миллион тоннаны құрайды. Егер бұл орын алса және біз бұған сенетін болсақ, бұл Ресейдің бүкіл тарихындағы рекордтық көрсеткіш болады», - деді Путин.