АҚШ-тың Қаржы министрі Ресей мен Қытайды қорқытты

АҚШ Қаржы министрлігінің басшысы Джанет Йеллен Сеулге сапары кезінде екі әлемдік державаның әрекеттері туралы айтып, оларды әлемдік экономикалық тәртіпті бұзушылар деп атады. Бұл туралы Bugin.kz порталы Коммерсант басылымына сілтеме жасап хабарлайды. 

АҚШ Қаржы министрлігінің басшысы өзінің сенімді одақтасы санайтын Оңтүстік Кореямен ынтымақтастық орнатуға келді. Президентпен кездесуде ол әлем Қытайдан жартылай өткізгіштерге, Ресейден мұнайға тәуелділікті азайту керек деді.

«Диктаторлық саясаты бар елдер экономикаға соққы беріп, қысым жасайды. Шикізат пен технологияларға келетін болсақ, біз бұл елдердің экономикалық қысым көрсету үшін геосаяси күштерін қалай пайдаланатынына куә болдық. Қытай жағдайында белгілі бір материалдар мен шикізатты өндіруде үстем жағдайға қол жеткізуге күш салуда және оған қол жеткізу үшін қисынсыз нарықтық тәртіп құрылуда... Біз мұндай әрекеттерге жол бермеуіміз керек...»

Оңтүстік Корея ресейлік мұнайға қойылған шектеулерді сақтауға келісті. АҚШ қазынасы ел экономикасын әлсіретіп, Украинада әскери операциялар жүргізуге мүмкіндік бермеу үшін баррелінің құнын 40-60 долларға дейін төмендетуді жоспарлап отыр.