«Әлемге ескерту»: Ресей Қытайдан ұшақ арқылы тоқтаусыз белгісіз нәрселерді тасымалдауда (видео)

Ресей «Волга-Днепр» ресейлік компаниясының Ан-124 «Руслан» ауыр көлік ұшағымен Қытайдан белгісіз нәрсе жеткізуді белсенді түрде бастады. Украинадағы ұшуды қадағалау қызметтері соңғы аптада он шақты рейсті тіркеді, деп хабарлайды Bugin.kz порталы Defence Express сайтына сілтеме жасап.

Күдікті әрекет Қытайда да байқалды. Жергілікті тұрғындар бейнежазбаны жариялап, ұшақтың «әскери көмекке» келгені туралы түсініктеме берді. Оған құрал-жабдықтар, оқ өткізбейтін кеудешелер, дулығалар, киімдер және т.б тиелген.  

Соңғы жеті күнде Ан-124 «Руслан» ұшағының Қытайға тоғыз рейсі тіркеліп, тек үшеуі қарама-қарсы бағытта болғаны, бұл ұшулардың бір бөлігінде транспондердің өшірілгені байқалады.

Стандартты рейс Мәскеу – Новосибирск – Чжэнчжоу – Новосибирск – Мәскеу бағыты бойынша орындалуда. Бір кезде соңғы баратын жер Үрімжі болды. Чжэнчжоу - қуатты логистикалық және өнеркәсіптік орталық, сонымен қатар қытайлық қорғаныс алыбы Норинко бөлімшелерін қамтитын қуатты индустриялық жоғары технологиялық аймақ.

Сонымен қатар, Үрімжі бірқатар өнеркәсіп алпауыттарының өндіріс орны болып табылады.

Видеоны мына сілтемені басу арқылы көре аласыз!