Сот «Дикий Арманды» қамауға алу мерзімін тағы ұзартты

Сот Арман Жұмагелдиевті (Дикий Арман) қамауға алу мерзімін 12 айға ұзартты, деп хабарлайды Bugin.kz порталы Алматы қалалық сотының баспасөз қызметіне сілтеме жасап.

«Алматы қаласының мамандандырылған ауданаралық тергеу сотының 2022 жылғы 6 желтоқсандағы шешімімен тергеу органдарының Д.-ға қатысты қамауға алу мерзімін 12 айға, яғни 2023 жылдың 7 қаңтарына дейін ұзартуға санкция беру туралы өтінішхаты қанағаттандырылды», - деп хабарланды сейсенбі күні сотта.

Еске салайық, Арман Жұмагелдиевке Алматыдағы тәртіпсіздіктер кезінде кездейсоқ өтіп бара жатқан 24 адамды ұрлады деген айып тағылып отыр. 2 қыркүйекте Нұр-Сұлтанда ҰҚК бесінші департаментінің бұрынғы басшысы Руслан Ысқақов ұсталды. Бір нұсқа бойынша, «Дикий Арманның» ұйымдасқан қылмыстық тобын ҰҚК қызметкерлері қадағалаған.