Шұғыл: «Ресеймен соғысуға дайынбыз!» - Финляндия

Дәл қазір Финляндияның армиясы Украина секілді соғысуға сақадай сай тұр. Бұл туралы елдің қорғаныс күштерінің қолбасшысы, генерал Тимо Кивинен «Bloomberg» агенттігіне берген сұхбатында айтты, деп хабарлайды Bugin.kz порталы halyq-uni.kz сайтына сілтеме беріп.

«Біз де дәл қазір Украинадағыдай соғысуға қабілеттіміз. Айтарлықтай қорғаныс қабілетіміз бар», –  деді ол.

Генерал Кивинен Финляндия қазіргі уақытта жан басына шаққандағы «Еуропадағы ең үлкен от қуатына ие екенін, өз елінің әлі күнге НАТО-ға кірмегеніне көңілі толмайтынын айтқан.

«Біз қазірдің өзінде НАТО-ға мүше болуға керекті әскери критерийлерге жауап береміз. Қорғаныс шығындарымыз жалпы ішкі өнімнің екі пайызы болады», –  деді Кивинен.

Финляндия қарулы күштерінің басшысы елде Франция мен Германияның артиллериясынан көп артиллерия бар екенін, қарулы қақтығыс болған жағдайда 280 мыңға дейін сарбазды жұмылдыра алатынын атап өтті.