Қазақстан тұрғыны соғысқа бару үшін Ресейге көшіп кетті

Ол көрші елге әйелімен бірге көшкен. Қазір олар Ресейдің азаматтығын алу үшін құжаттарды жеңілдетілген тәртіппен ресімдеуде. Мұны  Ресей Ішкі істер министрлігінің Курган облысы бойынша басқармасы растады,  деп хабарлайды bugin.kz порталы stan.kz сайтына сілтеме жасап.

Ер адам Қазақстанда танк әскерлері қатарында қызмет еткен. Курган обылысына келгеннен кейін,  Ресей Федерациясының азаматтығын алуға және келісімшарт бойынша әскери қызметке баруға болатынын білген.

Ерлі-зайыптылар алдағы уақытта облыста қалуды жоспарлап отыр.

Айта кетейік, Ресей президенті Владимир Путиннің Жарлығына сәйкес, арнайы операция кезінде Ресей қорғаныс министрлігімен бір жылға келісім-шарт жасасқан шетел азаматтары Ресей азаматтығын алуға құқылы. Жеңілдетілген тәртіп жұбайына, балаларына және ата-аналарына да қатысты. Өтініштер үш ай ішінде қаралады.