Санжар Тәшкенбай Сәкен Бибосыновтан рингте есе жібергеніне байланысты пікір білдірді

Әлем чемпионы Санжар Тәшкенбайдың жаңа салмаққа өткенін бәріміз білеміз. Жаңа салмақтың қаншалықты қиын болғанын ол "Qazaq Ring" youtube жобасына берген сұхбатында айтты. Бұл туралы  Bugin.kz тілшісі El.kz ақпарат агенттігіне сілтеме жасап хабарлайды.

Әр салмақтың өз қиыншылығы бар. 51 кг салмаққа ауысқан соң бірінші күннен бастап жақсы қарсыластар жолықты. Екінші орын алдық. Қарлыстар осал болмады. Финалда Сәкен ағаммен бокстастым. 51 салмақта тағы тәжірибе жинау керек. Тағы жарыстарға шығу қажет. Дәл қазіргі уақытта 53 келі салмақта жүрмін. Әрі қарай тоқтамаймыз, – дейді Санжар Тәшкенбай.

Сұхбат барысында Санжар Сәкен Бибосыновпен қандай қарым-қатынаста екенін айтып, көрерменді мазалаған сауалға жауап берді.

"Рингте қарсылас, өмірде аға. Сәкен аға деп сыйлаймын. Рингке шыққанда дайындықпен шығасың. Күліп жүру деген жоқ. Бокстасасың. Жау ештеңе емес. Өмірде аға. Үлгі аламыз. Мықты қарсылас. Сәкен ағаммен рингке шыққанда тәжірибе алдым. Әрине, сын айтатын адам көп. Оған ештеңе дей алмаймыз. Еңбек ету керек. Әрбір жарыс – бұл сабақ",- дейді Тәшкенбай.

Еске сала кетейік, Сәкен Бибосынов 48 келіден 51 келі салмақ дәрежесіне өткен Санжар Тәшкенбайдан басым түсіп, бокстан жазғы VI Спартакиаданың алтынын қанжығасына байлаған болатын.