"Миында ісік болған". Бишімбаевтың адвокаты Салтанатқа қатысты тың деректі бөлісті

Қуандық Бишімбаевтың адвокаты марқұм Салтанат Нүкенованың өліміне қатысты жаңа ақпараттармен бөлісті, деп хабарлайды Bugin.kz тілшісі Stan.kz ақпарат агенттігіне сілтеп.

"Әйелін өлтірді" деген айыппен соты басталған экс-министр "кінәсіз" екенін айтуда.

Дегенмен "күйеуінің ұрып-соғуынан шаршаған" деген дерекпен Салтанат Нүкенова 2023 жылдың тамызында Павлодарға өз ата-анасының үйіне кетіп қалған көрінеді. Бірақ күйеуі Бишімбаев Салтанатты өзіне қайтып келуге көндірген екен.

Дәл осы жағдайдан кейін марқұм әйел экс-министр күйеуінен бірнеше рет кетіп қалуға тырысқан көрінеді.

Сотталып жатқан Бишімбаев 24 қараша күні Астанадағы мейрамханалардың бірінде шу шығарып, Салтанат Нүкенованы ұрып-соққан.

Қуандық Бишімбаевтың екінші адвокаты Талғат Балашов марқұмның денесіндегі жараларды Бишімбаевтың салмағанын айтады. Адвокаттың сөзінше, сараптама қорытындысына мидағы ісік қайғылы оқиғаға дейін 3-4 апта бұрын пайда болған. Ал Нүкенованың білегіндегі жаралар 3-5 күн бұрын пайда болған екен.

Сондай-ақ ол марқұм Салтанат Нүкенованың басындағы гематоманың пайда болуына сот-медициналық сарапшылар қарама-қарсы қорытынды жасап жатқанын да атап өтті.