“Гауһар тасты 15 минутта өндіреді”: кореялық ғалымдар жаңалық ашты

Оңтүстік Кореядағы ғылымдар институтының ғалымдары жасанды гауһар тастарды бірнеше минут ішінде өндіру әдісін ойлап тапты. Зерттеу нәтижесін Bugin.kz тілшісі Nature журналына сілтеме жасап хабарлайды.

Жаңа әдіс сұйық металдарды араластыруға негізделген. Қорытпада никель, галлий, темір және кремний бар.

Процесс сонымен қатар 1025 градус Цельсийге дейін қарқынды қыздыруды қажет етеді. Графит корпусының ішіндегі арнайы вакуумдық жүйе метан мен сутегі қоспасының әсері арқылы реакция жасайды. Ол металдарды жылдам қыздыруға және салқындатуға мүмкіндік береді.

Мұндай жағдайларда метандағы көміртегі атомдары балқытылған металмен қосылып, алмастың негізін құрайды. Бар болғаны 15 минуттан кейін сұйық металдан ұсақ кристалды бөлшектер пайда болады.

Синтетикалық алмастар әртүрлі өнеркәсіптік процестерде, электроникада және тіпті кванттық компьютерлерде кеңінен қолданылады. Ғалымдардың айтуынша, жаңа техника олардың өндірісін әлдеқайда жылдам әрі жеңілдетеді.

Жер қыртысындағы 1 караттық табиғи алмаздың өсу қарқыны жағдайларға байланысты 4,5 айдан 17,5 жылға дейін созылуы мүмкін деген болжам бар.