Талғар өзеніндегі су деңгейі көтеріліп жатыр

Алматы облысындағы Талғар өзеніндегі су деңгейі көтеріліп  кетті, - деп хабарлайды Bugin.kz порталы. 

Талғар өзеніндегі су деңгейінің көбейіп, Ават ауылдық округінің аумағындағы өзеннің сол жағалауында орналасқан баламалы жолды шайып кетті.  Су деңгейінің көтелуінен жақын маңдағы карьерлерді су басу қаупі бар.

"Еңбекшіқазақ ауданының әкімі Талғат Ескендірұлы Байедиловтың тапсырмасы бойынша Ават ауылдық округінің әкімі Момунжан Акваржанович Исламовтың ұйымдастыруымен су басу болдырмау және тұрғындардың қауіпсіздігін қамтамасыз ету үшін жұмыстар жүргізілді. Жұмыс барысында "АКНМ" ЖШС, "АсфальтоБетон" ЖШС, "ДСУ-13" АҚ "Хан Элит Строй" ЖШС мекемелерінен 12 адам және 8 бірлік арнайы техника жұмылдырылды", - делінген хабарламада. 

Қазіргі уақытта өзен арнасын тереңдету және нығайту жұмыстары жалғасып жатыр.

Ават ауылдық округі әкімінің аппаратымен тәулік бойы кезекшілік ұйымдастырылды.