"Адам болуымыз керек қой": Ұлттық құраманың бұрынғы бас бапкері Дәулет Тұрлыхановтың әрекетіне қатысты пікірін айтты

Ұлттық құраманың бұрынғы бас бапкері Тұрсынғали Еділов өзін бас бапкерліктен алып тастаған Дәулет Тұрлыхановқа қатысты ойын айтты, деп хабарлайды bugin.kz порталы Massaget.kz сайтына сілтеме жасап.

Тұрсынғали Еділов 1997-2001 жылдар аралығында Ұлттық құраманың бұрынғы бас бапкері болды. 

Оның айтуынша, Дәулет Тұрлыханов кейін бұл ісіне өкінген.

"Бас бапкерліктен мені алып тастаған Дәулет Тұрлыханов. Неліктен ондай қадамға барғанын білмеймін. Мұны еске алғым келмейді. Дәулет қазақтың керемет азаматы. Біз онымен туған құдамыз, туыспыз. Қайрат інім Дәулеттің қарындасын жар етіп алған еді. Менің ұнамайтын жерім бар шығар. Реніш жоқ. Адам болуымыз керек қой. Қаншама еңбек етіп, талай азаматты шығардық. Ел мұны естігісі келмейді, көргісі келмейді. Себебі біздің қазақ қызғаншақ, іші тар. Кейін Дәулет Тұрлыханов маған "бекер олай істедім" деп өкінетінін айтты. Біз Дәулетпен бір-бірімізді бұрыннан білетінбіз. Талай талонмен тамақ ішетінбіз. Дәулетті қалай жамандайын", - деді ол.