Белгілі футбол бапкері дүниеден өтті

Қазақстан Республикасының Футболдан еңбек сіңірген жаттықтырушысы Есенбек Сыздықов 74  жасында қайтыс болды, деп хабарлайды Bugin.kz порталы.

Қаза туралы "Шахтер" футбол клубының баспасөз қызметі хабарлады.

"Есенбек Кабирұлы бүкіл өмірін футболға арнады. Әр жылдары "Шахтер" ФК бас бапкері, команда басшысы, спорт директоры, ҚР Ұлттық футбол лигасының төрағасы, Қарағанды қаласының футбол бойынша" Жастар" ОСЮШОР директоры болды.

"Шахтер" ФК басшылығы мен ұжымы Есенбек Кабирұлының туыстары мен жақындарына көңіл айтып, орны толмас қазаға қатты қайғырады.

Есенбек Кабирұлы туралы жарқын естелік оны танитындардың жүрегінде мәңгі қалады", делінген хабарламада.