Халықты жергілікті азық-түлік өнімдерімен қамтамасыз ету мақсатында 100-ге жуық АШТӨ-мен келісімшарт жасалды

Түркістан облысында 2025 жылға Түркістан облысы ауыл шаруашылығы тауарын өндірушілермен ерте пісетін көкөністер сатып алу форвардтық келісімшарттар жасасу бойынша кездесу өткізді. Оған ҚР АШМ ауылшаруашылық азық-түлік нарықтары және ауыл шаруашылығы өнімдерін қайта өңдеу департаменті директорының орынбасары Шаймерден Ахметов және осы департаменттің ішкі сауда басқармасының басшысы Темірлан Маратов қатысты, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап. 

Сонымен қатар республикамыздың барлық өңірлердің ауыл шаруашылығы, кәсіркерлік басқармалары мен әлеуметтік кәсіпкерлік корпорация өкілдерімен Түркістан облысында ерте пісетін көкөністерді егетін өңір шаруалары бас қосты.

Халықты жергілікті азық-түлік өнімдерімен қамтамасыз ету мақсатында 2025 жылға Түркістан облысы АШТӨ-мен ерте пісетін көкөністерді сатып алу бойынша форвардтық келісімшарттар жасасу мақсатында облыстың 100 ге жуық ауыл шаруашылығы тауар өндірушілері қатысып картоп-1800 тонна, пияз - 390 тонна, сәбіз - 340 тонна, қырыққабат - 910 тонна өнімге ниет шарты жасалды.