ТҮРКІСТАН ОБЛЫСЫНДА ӨЗЕН АРНАЛАРЫН БҰРУ, КЕҢЕЙТУ ЖҰМЫСТАРЫ ЖҮРГІЗІЛУДЕ

Түркістан облысы әкімінің бірінші орынбасары Зұлпыхар Жолдасовтың хаттамалық тапсырмасына сәйкес, Бәйдібек ауданында төтенше жағдайлардың алдын алу үшін аудан аумағындағы өзен арналарын бұру кеңейту жұмыстарын жүргізу тапсырылған болатын,  деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Қазіргі таңда, Бәйдібек ауданына облыстық басқарма тарапынан арнайы 2 дана шынжыр табанды экскаватор бөлініп,  төтенше жағдайлардың алдын алу мақсатында Боралдай, Қаратас елді мекендерінде Боралдай, Тұрақты елді мекенде Бала Бөген және Екпінді елді мекенінде Бөген өзендерінің арналарын бұру, кеңейту және бөгеттерді нығайту жұмыстары жүргізілуде.