Bugin

Түркістан облысы: Берік Құдайбергеновке «Созақ ауданының Құрметті азаматы» атағы табысталды

Авторларды қолдау орталығы

mediabugin@gmail.com

Фото: Түркістан облысы әкімдігі

Бүгін Түркістан облысы, Созақ ауданы әкімі Мұхит Тұрысбеков ҚР Еңбек сіңірген жаттықтырушысы, «Білім беру ісінің үздігі», спорт ардагері Берік Құдайбергеновтің шаңырағында болды. Ел спортына сіңірген еңбегі мен шәкірт тәрбиелеудегі толассыз еңбегін айрықша бағалап, ауданның ең жоғары марапаттарының бірі — Созақ ауданының Құрметті азаматы атағын табыстады,  деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.   

Аудан басшысы өз сөзінде бұл марапат ардагер спортшының өмір жолы мен қажырлы еңбегінің нақты бағасы екенін ерекше атап, жасаған істері мен оның аудан спортына қосқан үлесі өлшеусіз екенін айтып өтті. «Бұл құрмет – тек спортшының ғана емес, шәкірт тәрбиелеген ұстаздың да еңбегінің айшықты белгісі», — деді.

Айта кетейік, Берік Құдайбергеновтің көп жылдық еңбек жолы тек спортпен ғана шектелмеген. Шәкірттерін шыңдап, олардың бойында тек спорттық дағдыларды ғана емес, адамгершілік құндылықтарды да қалыптастыра білді.

 

Фото: Түркістан облысы әкімдігі

Фото: Түркістан облысы әкімдігі