Ер адам президент отырған кеңседе өзін өртеп жіберді

Ер адам Оңтүстік Корея президентінен жауап алынатын кеңседе өзін өртеді, деп хабарлайды Bugin.kz порталы Report.ru телеграм арнасына сілтеме жасап.

Еске салайық, бүгін, 15 қаңтар күні Оңтүстік Корея Республикасының президенті қолға түскен еді. Президент Юн Сок Ёль желтоқсанның басында елде әскери жағдай енгізуге әрекеттенді, содан кейін парламент оны көтеріліске әрекеттенді деп айыптап, импичмент жариялады. Кейін Сеулдің батыс аудандық соты қызметінен уақытша шеттетілген президент Юн Сок Ёлді қамауға алуға ордер берді.

Оңтүстік Корея тұрғыны президенттің негізсіз қамалғанын айтып, наразылық танытты. Ол өзін сыбайлас жемқорлыққа қарсы тергеу басқармасы кеңсесінің жанында өртеп жіберді.

Жергілікті басылымдардың мәліметінше, ер адам ауруханаға жеткізілген. Бірақ ол алған жарақаттарынан қайтыс болған. Полиция оқиғаның мән-жайын анықтап жатыр.