35 жастағы жігітке тұрмысқа шыққан 9 жасар қыз елдің жағасын ұстатты

Иракта 9 жастағы қыз 35 жастағы ер адамға тұрмысқа шықты, деп хабарлайды Bugin.kz порталы Ulysmedia.kz сайтына сілтеме жасап. 

Видеоны мына сілтемеден көресіз.

Әлеуметтік желілерде Иракта өткен үйлену тойының видеосы тарады. Қалыңдық 9 жаста екені айтылды. Ал күйеу жігіт 35 жаста екен. 

Мәліметтерге сүйенсек, 35 жастағы ер адам 9 жастағы қызға Ирак парламенті некелік келісім жасасу жасын 9-ға дейін төмендеткеннен кейін үйленген көрінеді.

Айта кетсек, Иракта некелік келісім жасасу жасын төмендету туралы ұсынысты ультраконсервативті шииттік партиялар ұсынған. Олар жеке статус туралы заңнамаға түбегейлі өзгерістер енгізуді талап етті. Иракта некелік келісім жасын төмендетіп қана қоймай, әйелдерге қатысты басқа да бірқатар шектеулер енгізілмекші. Әлі қабылданбаған жаңа заң бойынша ирактық әйелдер ажырасу, балаға қамқорлық жасау және мұрагерлік құқықтарынан айырылады.

Сонымен қатар Иракта қыз-келіншектердің теледидарға шығуына, жүргізуші болып қызмет атқаруына тыйым салынды. Сонымен қатар балабақшада ағылшын тілі мен өзге де шет тілі алып тасталды.