Алтын орда базарына кеткен бойжеткен із-түзсіз жоғалды

Алматы маңында 18 жастағы қыз жоғалып кетті, деп хабарлайды Bugin.kz порталы. 

Қыздың туыстарының айтуынша, Аружан есімді 19 қаңтар күні таңертең үйден шығып, қайта оралмаған. Оның телефоны сөндірулі екен.

"Таңғы сағат 10-да үйден шыққан. Алтын Орда базарына барамын деп кеткен, содан кейін жоғалып кетті. Сағат 5-те іздей бастадық, телефоны сөндіріліп тұрды", – деді оның әпкесі.

Қыздың белгілері: ақшыл шашты, бойы 180 сантиметр, ақ түсті дубленка мен ақ бас киім киген.

"18 жастағы қыздың жоғалып кетуі дерегі бойынша Қарасай аудандық полициясында арыз тіркелді. Қазіргі уақытта құқық қорғау органдары оның қайда екенін анықтау үшін қажетті шараларды жүргізіп жатыр," – деп мәлімдеді Алматы облысы полиция департаментінің баспасөз қызметі.